كيك خروف عيد الاضحي المبارك بالكريم شانتية

طريقة التحضير

• 1)

  نخفق البياض مع السكر حتي يصبح مارينج

  نضيف الصفار ونقلب حتي يمتزج الخليط

  نضيف الدقيق بعد الخفق ونقلب جيداا

  اخر حاجة نخلط الحليب والزيت علي بعض وننزل بيهم علي الخليط ونقلب جيداااا حتي يتجانس الخليط كله

  صبيت الخليط بقالب الكيك نص كره 15 سم

  تدخل الفرن مسخن مسبقا علي درجة حراره 170 المقاس كان صغير اخدت حوالي 30 دقيقة

  غلفتها وحفظتها يوم كامل بالثلاجة وده افضل دايما نعمله باي كيك

  

• 2)

  قسمت الكيك ل3 شرايح وبدأت احشي كريم شانتيه عادي مع شرايح من الفراوله والتوت

  احشو زي ماتحبو لكن الكيك صغير مش محتاج حشو كتير وضروري الكريمة تكون متماسكه

  

• 3)

  بعد الحشو هغلف الكيك من الخارج بطبقة خفيفه كده من الكريمة واحاول تمليسها باي اسكرابر او قطعه بلاستيك من مجلدات المكتبة لان الكيك دائري ومحتاجة حاجة تلف معايا وتساعدني علي التمليس

  هدخلها المجمد ساعتين الحشو والتغليف الخارجي يشد شويه ويتماسك  وانا اجهز باقي الشغل للتزيين بعجينة السكر

  

• 1)

  ابدء شغلي بتجهيز الاشكال من عجينة السكر اللي هزين بيها الكيك

  نعملها واحنا بنشتغل مش عايزها تكون جافه قوي عشان محتاجها مرنة اقدر اشكلها واحركها براحتي علي الكيك

  ضفت بودره التايلوز او ماتسمي cmc

  لونت العجينة بلون عاجي اللي هو لون البشره لعمل وجه الخروف

  

• 2)

  شكلت الوجه وبدات بتحديد الملامح للوجه بادوات بسيطة

  زي الصور ما توضح

  

• 3)

  عملت كمان ودان الخروف بقطاعه شكل الدمعة كبيرة

  

• 1)

  بعد مرور ساعتين بخرج الكيك من الثلاجة

  هنبدء بتغليف الكيك بالكريمة بقمع الحلواني الموضح بالصوره لعمل شكل يشبه فروة الخروف

  هنزين الكيك كله من الخلف ومن الجوانب ونترك المقدمة للوجه

  

   

• 2)

  هنبدء بالتزيين بعجينة السكر الاشكال اللي جهزناها

  زي ما هوضح بالصور هثبت الودان والوجه علي الكريمة مباشره

  هعمل فيونكه صغيره وقرون واثبتهم بخله اسنان

  

• 3)

  اخر حاجة زودت احمر خدود بالداست الغذائي علي الوجه

  حاجات بسيط بالتزيين لكن بتفرق اكيد بالشكل النهائي

  

• 4)

  وبكده انتهيت

  الكيك كان جميل جدااا وبسيط وده شكله النهائي وشكله بعد تقطيع الكيك